ӨКМ тоолуу жолдорго чыкпай турууну эскертти

3-9-мартка чейин көчкү коркунучу бар аймактарда артиллериялык куралды колдонуп, кар көчкүсүн атайын атып түшүрүү зарылдыгы келип чыккан. Бул тууралуу ӨКМнин басма сөз кызматы билдирет.

Маалыматка ылайык, жогорудагы иш-чараларды Бишкек-Ош унаа жолунун 132-137, 198-255-чакырымдарында жүргүзүү үчүн, КРнын КК Башкы штабынан 1 артиллериялык эсеп, 2018-жылдын 3-мартында Чүй облусунун Аламүдүн районунун Кой-Таш айылынан саат 09:00дө КР ӨКМ ыкчам тобу менен биргеликте жолго чыгышат.

Кар көчкү коркунучуна байланыштуу тоолуу жолдорго чыкпай турууну эскертет ӨКМ. Аябай зарылчылык болсо айдоочулар автоунаалар ортосунда 500 метр аралыкты сактоого тийиш.