“Реал” клубу “Баварияны” 2:1 эсебинде утуп, өзүнүн күчтүүлүгүн көрсөттү

 Чемпиондор лигасынын жарым финалынын биринчи оюнунда мадридтик “Реал” менен “Бавария” клубунун беттеши болуп өттү.

Эсеп оюндун 28-мүнөтүндө ачылып, мадридтик “Реалдын” дарбазасына “Бавария” клубунун оюнчусу Йозуа Киммих киргизди. Көп өтпөй Реалдын оюнчусу Марсело 44-мүнөтүндө эсепти 1:1ге айлантты.

2-таймдын 57 мүнөтүндө каршылашынын дарбазасына реалдын чабуулчусу Марко Асенсио гол киргизип, эсепти 2:1ге өзгөрттү. Беттеш 26-апрель күнү Мюнхендин “Альянц Аренасында” болуп, Реал командасы 2:1 эсебинде жеңип алды.

Кийинки жооптук беттеш 2-майда Мадридтин калаасында “Сантяго Бернабеу” стадионунда өтөт.

Эскерте кетсек, жарым финалынын алгачкы беттешинде “Ливерпуль” клубу 5:2 эсебинде “Рома” командасын жеңип алган.