Жазгы талаа иштери 25 күнгө кечикти

Быйыл жаздын кеч келүүсү менен жазгы талаа иштери 25 күнгө кечикти. Бул тууралуу айыл чарба, тамак-аш өнөр жайы жана мелиорация министри Нурбек Мурашев Өкмөт жыйынында билдирди.

Анын айтымында, учурда айыл чарба өсүмдүктөрү айдалып жатат. Быйыл буудайдын аянты кыскартылып, кант кызылчасын көбүрөөк эгүүгө басым жасалууда. Бирок дыйкандарда каражат аз болгондуктан жаңы үрөндөрдүн түрлөрүн айдоого шарт болбой турат.

Ошондой эле, аталган министрлик аба ырайынын улам өзгөрүп турганына байланыштуу мындай кырдаалга туруштук бере алган үрөндөрдү эгүүнү сунуштоодо. Ушул тапта өкмөт үйүндө учурдагы жазгы талаа иштери жөнүндө жалпы жыйын өтүүдө.