34 аялдама комплекси курулуп, 600 көчөгө асфальт төшөлөт

Бишкек шаарында 2017-жылы «Бишкек Асфальт Сервис» ишканасынын линиясы боюнча 451 көчөгө жана Капиталдык курулуш башкармалыгынын линиясы боюнча 49 көчөгө асфальт төшөлөт. Бул тууралуу Бишкектин вице-мэри Геннадий Милицкий билдирди.

Маалыматка ылайык, жол коопсуздугун камсыз кылуу жана унаалардын коопсуз кыймылына шарт түзүү максатында,  Бишкекте 6 миңден ашык жол чырактар орнотулуп, 34 аялдама комплекси курулат. Биринчи кезекте билим берүү мекемелерине жакын жерлерге 15 светофор орнотулат. 31 миң квадрат метр жерге жол белгилерин коюлат.

Вице-мэр Геннадий Милицкий, ошондой эле Патрулдук милиция башкы башкармалыгы менен биргеликте рейд жүргүзүлүп, жыйынтыгында балдар көп болгон 173 жер аныкталганын билдирди. Эми ал жерлерге жол белгилери коюлат.