Паспорттордун дүйнөлүк рейтингинде Түркмөнстан 85-орунга жайгашты

Henley & Partners консалтинг компаниясы тарабынан түзүлгөн паспорттордун эл аралык рейтингинде Түркмөнстан 85чи, Өзбекстан менен Тажикстан 80чи, Казакстан 67чи жана Кыргызстан 76-орунга жайгашты.

Тизменин сап башына Жапония жазылган. Бул өлкөнүн жарандары дүйнөнүн 190 мамлекетине визасыз бара алышат.

Экинчи орундагы Сингапур менен Түштүк Кореянын жарандары 189, үчүнчү орундагы Германия менен Франциянын жарандары 188 өлкөгө визасыз кире алышат.

Постсоветтик өлкөлөрдүн ичинен Балтика өлкөлөрү алдыда.

  • 11-орунга жайгашкан Литва жана Латвиянын жарандары 180 өлкөгө визасыз кире алышат. Эстония 12-орунда, анын жарандары 179 өлкөгө визасыз барышат.
  • Украин паспортун алып жүргөндөр 128 өлкөгө визасыз бара алышат. Бул рейтингде Украина 41-орунга жайгашкан.
  • 46-орунга жайгашкан Молдова жарандары 122 өлкөгө визасыз баруу укугуна ээ.
  • Орусия – 48-орунда. Орусиялыктар 119 өлкөгө визасыз бара алышат.
  • 51-орунга Грузия жайгашкан. Бул өлкөнүн жарандары 114 өлкөгө визасыз барышат.
  • Беларус паспортунун ээлери 77 өлкөгө визасыз кире алышат. Өлкө рейтингде 66-орунга жайгашкан.
  • Кийинки орунда жайгашкан Казакстандын жарандары 76 өлкөгө визасыз киришет.
  • 74-орунга Азербайжан жазылган. Бул өлкөнүн паспортун алып жүргөн жарандар 74 мамлекетке визасыз барышат.
  • Кыргызстан – 76-орунда. Кыргызстандыктар 64 өлкөгө визасыз баруу укугуна ээ.
  • Армения 79-орунда, бул өлкөнүн жарандары 61 мамлекетке визасыз бара алышат.
  • 80-орунга жайгашкан Өзбекстан менен Тажикстандын жарандары 58 өлкөгө визасыз барышат.
  • Түркмөнстан рейтингде 85-орунда. Өлкө жарандары 53 өлкөгө визасыз киришет.

Жалпы рейтингдин акыркы сабына Ооганстан менен Ирак жазылган. Бул өлкөнүн жарандары 30 мамлекетке визасыз кире алышат.

Henley & Partners компаниясы белгилегендей, паспорттордун индекси жарандардын эркин саякаттоосу боюнча алгачкы эл аралык рейтинг болуп эсептелет. Ал өлкөлөрдүн дүйнөлүк аренадагы эл аралык мамилелерин жана макамын көрсөтүп турат. 2018-жылдан бери паспорттордун рейтинги жылына бир нече жолудан жаңыланып келет.

Добавить комментарий

Ваш e-mail не будет опубликован. Обязательные поля помечены *