Чоң-Алайда 5 баллга жеткен жер титиреди

Кыргыз Республикасынын Сейсмология Институтунун берген маалымат боюнча 2017-жылдын 1-июунунда саат 21:10дө Кыргыз Республикасынын аймагында очогунда 5 баллга чейин жеткен жер титирөө катталган.

Жер титрөөнүн очогу Ош облусунун Чоң-Алай районунун аймагында орун алган.

Жер титирөө Ош облусунун Чоң-Алай районундагы Жар-Башы, Кулчу, Чак, Кара-Шыбак айылдарында 4,5 балл, Шибээ айылында 4 балл, Карамык, Кара-Тейит, Ачык-Суу айылдарында 3,5 балл сезилген.