Ак Үйдүн алдында от менен ойногон мас кишини милиция кармап кетти

Бишкектеги Жогорку Кеңештин имаратынын жанында мас киши от менен ойноду. Бул тууралуу шаардык милициянын басма сөз кызматы билдирди.

Маалым болгондой, 15-июнда саат 20:00 чамасында Ак Үйдүн жанында мас абалдагы киши узун таяктын эки учуна кийимдерин ороп өрттөгөн. Андан соң жөө жүргүнчүлөрдү коркутуп жаткан. Милиция кызматкерлери анын артынан келип, таякты колунан жулуп кармап кетишкен. Милиция аны Биринчи Май РИИБине алып кеткени белгилүү болду.