Аксыда бүтүрүүчүлөрдүн аттестаттары жараксыз болуп калды

Аксы районундагы мектептердин бүтүрүүчүлөрүнө берилүүчү аттестаттар жараксыз болуп калды. Райондук билим берүү бөлүмүнүн башчысы Угулай Зыябекова билдиргендей, жогорку окуу жайга тапшыра турган бүтүрүүчүлөргө убактылуу тактама кагаздар берилип турат.

«Аттестаттарда Кыргыз Республикасынын деген сөздө «н» тамгасы жазылбай калып, ката болуп калган. Ал катачылык басмаканадан кеткен. Учурда Билим берүү жана илим министрлиги менен сүйлөшүп, бүтүрүүчүлөргө тактама кагаз берип турабыз. Кийин жаңы аттестат берилет», — деди ал.

Аксы районунда быйыл 967 бүтүрүүчү мектепти аяктаган.