Кыргызстанда орточо айлык акы 19 миң 165 сомду түздү

Бишкек, 13.07.21. /Кабар/. Кыргызстанды 2021-жылдын 5 айында орточо айлык акынын көлөмү 19 миң 165 сомду түзүп, 8,1%га өскөн. Бул тууралуу Улуттук статистикалык комитеттеги маалымат жыйынында статистикалык маалыматтарды жайылтуу бөлүмүнүн жетекчиси Чынара Турдубаева билдирди.

Анын айтымында, 2020-жылдын январь-май айларына салыштырмалуу 2021-жылы январ-май айларындагы эсептелген орточо айлык акынын өсүш темпи ишканалардан жана курулуш уюмдарынан тышкары экономикалык иштин бардык түрлөрү боюнча ишканаларда жана уюмдарда байкалган.

Орточо айлык акынын өсүш арымынын олуттуу өсүшү маалымат жана байланыш чөйрөсүндө — 19,9%, транспорттук иш-аракеттер жана жүктөрдү сактоо — 22%, кесиптик, илимий-техникалык ишмердүүлүк — 17%, өндүрүштө — 11,1%, суу менен камсыздоо, тазалоо, таштандыларды кайра иштетүү жана кайра иштетүү — 9,4%, кыймылсыз мүлк менен болгон бүтүмдөр — 13,1%, дүң жана чекене соода, автомобилдерди жана мотоциклдерди оңдоо — 10,4%, ошондой эле каржылык ортомчулук жана камсыздандыруу жаатында — 9,2%ды түздү.