«Алтын-Казык» жаңы конушунун тургундары мэриянын алдына митингге чыгышты

Бишкек мэриясынын алдына шаардык таштанды таштоочу жайдын жака белинде жайгашкан «Алтын-Казык» жаңы конушунун тургундары митингге чыгышты. Бул тууралуу «Спутник» маалымат агентиги жазып чыкты.

Маалыматка ылайык, митингге болжол менен 20га жакын адам чогулган.

Алардын айтымында, таза суу жок, электр зымдары тартылганы менен жарык берүү бат-баттан үзгүлтүккө учурап турат. Ошондой эле балдары мектепке кабыл алынбай келет.

Аталган конуштун тургуну Саламат Рыскулова жер тилкелеринин документтери да жок экенин айтты.

Учурда митингге чыккан жарандар муниципалитеттин өкүлдөрү менен жолугуу үчүн мэриянын ичине киришти.

Сүрөт: Бакыт Толканов