Бир суткада 40 өрт кырсыгы катталды

Кыргызстанда бир суткада 40 өрт кырсыгы катталды. Бул тууралуу Өзгөчө кырдаалдар министрлигинин басма сөз кызматы билдирет.

Маалыматка ылайык, Бишкек шаарында 9, Ош шаарында 3, Чүй облусунда 8, Ысык-Көл облусунда 1, Нарын облусунда 2, Ош облусунда 9, Талас облусунда 2, Жалал-Абад облусунда 4, Баткен облусунда 2 өрт кырсыгы катталып, аларды өчүрүүгө 42 бөлүм тартылган.

Ысык-Көл районунун Чоң-Өрүктү айылында таштанды таштоочу жайда 4000 чарчы метр куураган чөп, таштанды күйгөн. Өрттүн себеби такталууда.

Талас районунун Көк-Токой айылында Манас көчөсүндөгү кампада 13 тонна көмүр түтөгөн. Өрттүн себеби такталууда.

0 Поделились