Көк бөрү боюнча финалистер аныкталды

Чолпон-Ата шаарындагы ипподромдо көк бөрү боюнча Президенттин  кубогунун жарым финалы өттү. Бул тууралуу Жаштар иштери, дене тарбия жана спорт мамлекеттик агенттигинен билдиришти.

Маалыматка ылайык, топтук баскычтын жыйынтыгы боюнча 4 катышуучу: «Мурас» (Талас облусу), «Арашан» (Чүй облусу), «Достук» (Ош облусу), «Биримдик» (Чүй облусу) командалары беттештин финалдык бөлүгүнө чыгышкан.

Биринчи жарым финалда «Мурас» жана «Арашан» беттеши: 5:0 эсеби менен «Мурастын» пайдасына аяктаса,  «Достук» «Биримдикти» 5:1 эсебинде жеңип алган. Натыйжада бүгүн, 30-августта 3 жана 4-орун үчүн «Арашан» жана «Биримдик» командалары ойношот.

Финал 31-августта өтөт.