Нурланбек Шакиев тармактык комитеттердин төрагалары менен жыйын өткөрдү
Бүгүн, 29-майда Кыргыз Республикасынын Жогорку Кеңешинин Төрагасы Нурланбек Шакиев парламенттеги тармактык комитеттердин төрагалары менен салтка айланган кезектеги жыйынды өткөрдү. Бул тууралуу ЖКнын басма сөз кызматы кабарлады.
Иш-чарага Президенттин жана Министрлер кабинетинин Жогорку Кеңештеги туруктуу өкүлү Алмасбек Абытов да катышты.
Жыйында мыйзам чыгаруу процессине байланышкан бир катар маселелер талкууланып, сунуш-пикирлер айтылды.
Төрага Нурланбек Шакиев парламенттин кароосунда турган бардык мыйзам долбоорлору маанилүү экенин белгилеп, аларды өз убагында кабыл алуу зарыл экенин белгиледи.
Ага ылайык, тармактык комитеттердин төрагаларын жигердүү иштөөгө чакырды.
Эскерте кетсек, азыркы тапта парламентте 8 тармактык комитет иш алып барат.