7-октябрда биринчи эл аралык конференция өтөт

КРнын Президентинин Администрациясынын Саясий жана экономикалык изилдөөлөр башкармалыгынын колдоосу аркылуу Кыргыз Республикасынын Бишкек шаарында үстүбүздөгү жылдын 7-октябрында Борбор Азиядагы I аналитикалык курултай – Кыргыз Республикасындагы системаны жана бизнести талдоо боюнча I эл аралык конференция өткөрүлөт. 

Кыргыз Республикасынын бизнес-аналитиктеринин коомчулугу Беларусь Республикасынан, Россия Федерациясынан, Кипр Республикасынан, Казакстан Республикасынан тажрыйбалуу спикерлерди чакырган. Алар баалуу жана пайдалуу тажрыйбалары менен бөлүшүүгө даяр. Спикерлер «Газпромнефть – Санариптик чечимдер», «EPAM Systems», «Сбербанк», «Geek Brains», «Escalate», «ЮниКредит Банк», «VEB Technologies» ж.б. сыяктуу компанияларда иш алып барган жана иштеп келет. 

Белгилей кетсек, Кыргыз Республикасынын бизнес-аналитиктеринин коомчулугу 2022-жылдын жазында түзүлгөн жана анын 400дөн ашуун катышуучусу бар. Коомчулук баяндамалардан баштап практикалык мастер-класстарга жана сессияларга чейин 10дон ашуун акысыз иш-чараларды өткөргөн. 

Төмөндөгү тиркеме аркылуу кененирээк маалымат алсаңыздар болот.