Кургак учукту айыктыруу үчүн дарыгерлерге кошумча акы төлөө киргизилүүдө

Кыргызстанда баштапкы этабында кургак учукту айыктыруу үчүн медициналык кызматкерлердин маянасына кошумча акы төлөө киргизилүүдө. Бул тууралуу КР Саламаттык сактоо министрлигинин басма сөз кызматы билдирди.

Ведомствонун маалыматы боюнча 2017-жылдын 1-ноябрынан тарта КР өкмөтүнө караштуу милдеттүү медициналык камсыздоо фонду алгачкы медициналык-санитардык жардам көрсөтүү кызматкерлерине заманбап ыкмаларды колдонуу менен кургак учукту ийгиликтүү айыктыруу үчүн өбөлгөлөөчү кошумча төлөм киргизүүдө.

Кошумча төлөмдүн көлөмү ММКФ тарабынан кургак учуктун татаалдык деңгээлине жараша аныкталары маалымдалды.

Булак: «Кабар»