Апрель 20, 2019
Последние:

Кыргыз Туусу

Улуттук тун гезитинин сайты

Жаңылыктар 

Бишкек-Ош каттамы үчүн учак билети арзандайт

admin2

Бир катар авиакомпаниялар аба-ырайынын өзгөрүүсү боюнча шашылыш билдирүүдө «Бишкек-Ош-Бишкек» багыты боюнча билеттердин наркын төмөндөтөт. Бул тууралуу Өкмөттөн маалымдашты.

Маалыматка ылайык Өкмөт менен түзүлгөн келишимдер боюнча «AirManas», «Avia Traffic Company» жана «TezJet» авиакомпаниялары «Бишкек-Ош-Бишкек» багыты боюнча билеттердин наркын төмөндөтүү тууралуу чечим кабыл алышты.

Кыргыз Республикасынын Өзгөчө кырдаалдар министрлиги тарабынан аба-ырайынын кескин өзгөрүшү боюнча шашылыш билдирүү жарыяланса, «Бишкек-Ош» каттамынын бир тарабына карай авиабилеттердин 2700 сомдук наркы кадимки баалардан 27%га төмөн сатылат.

Мындай учурларда Төө-Ашууда жана «Бишкек-Ош» унаа жолунун башка катаал участкаларында транспортко чектөө киргизилет.

Тийиштүү түрдө, бул мезгилде жарандар жеңилдетилген шарттарда транспорттун альтернативдүү түрү катары авиакомпаниялардын тейлөөсүнөн пайдалана алышат. Аба-ырайынын өзгөрүүсү боюнча шашылыш билдирүү алынып салынган соң, авиабилеттер баалардын бекитилген прейскурантына ылайык ишке аша баштайт.