Маданият, маалымат, спорт жана жаштар саясаты министри Алтынбек Максүтов 2024-жылы маданият жана спорт тармагындагы жетишкендиктер тууралуу маалымат берди.
Министрдин айтымында, быйыл министрлик руханий байлыктарга жана техникалык базаны чыңдоого чоң көңүл бөлдү.
«446 млн. сомго заманбап музыкалык техникалар сатып алынып, маданият мекемелеринин жабдуулары жаңыланды. Тарыхый мурастарды сактоого 585 млн. сом бөлүнүп, археологиялык казуулар жүргүзүлүүдө. Ал эми, спорт тармагында 16 спортчубуз ийгиликтерге жетип, өлкөбүздүн намысын коргоду. Жаштар саясаты боюнча жаңы программалар ишке ашырылууда, кино тармагында бюджет 38% көбөйтүлдү,-деди ал.
Ошондой эле Манас театры ачылып, А.Изибаев атындагы цирк капиталдык ремонттон өткөрүлгөнүн кошумчалады.