Өзүн Таймурас Ташиев катары көрсөткөн жигит кармалды. Ал бетонго химиялык реагенттерди алып келүү боюнча фирма менен келишим түзүү үчүн өзүн Тай-Мурас Ташиев (УКМКнын башчысынын уулу) деп көрсөткөн.
Тергөөнүн версиясы боюнча, шектүү компаниянын жетекчилиги менен телефон аркылуу сүйлөшкөндө үнүн бурмалап, Тай-Мурастын сүрөтүн коюп, уюмга өзүнүн өкүлүн жиберген.
Келишимдин жыйынтыгында компанияга 495 миң сомдук 8 тонна химиялык зат которулуп, аванс катары 80 миң доллардан ашык каражат, Lexus RX350 жана Hyundai Avante үлгүсүндөгү автоунаалар берилгенин УКМКнын басма сөз кызматы билдирди.
Шектүү УКМКнын Ош шаарындагы СИЗОсуна киргизилди. Ага карата КР Кылмыш-жаза кодексинин 209-беренесинин 4-бөлүгүнүн 1-пункту (Алдамчылык) менен кылмыш иши козголгон.