Боксчу Мунарбек Сейитбек уулу III даражадагы “Манас” ордени менен сыйланды.
Президент Садыр Жапаровдун Мамлекеттик сыйлыктар менен сыйлоо жөнүндө жарлыгына ылайык, сыйлык Мунарбек Сейитбек уулуна Дене тарбияны жана спортту өнүктүрүүгө кошкон зор салымы жана спорттук жетишкендиктери үчүн берилди.
Белгилей кетсек, Мунарбек Сейитбек уулу Кыргызстандын бокс боюнча улуттук курама командасынын мүчөсү. Спортчу кыргыз боксунун тарыхында биринчи жолу Олимпиадага жолдомо уткан мушкер. Ал Парижде өткөн Олимпиада оюндарында финалга чыгып, күмүш байгеге татыган. 2023-жылы дүйнө чемпионатында коло медаль уткан.
Мунарбек Сейитбек уулу ОшМУнун дене тарбия факультетин аяктап, кийин магистратураны да бүтүргөн.