24-июлдан тарта №23 жана №56 автобус каттамдарынын кыймыл чиймеси жарым-жартылай өзгөрөт.
Мэриянын басма сөз кызматы билдиргендей, шаар тургундардын кайрылуусуна улам, Пишпек районун камтыган №4 автобустук каттам иштеп баштаганына байланыштуу, №23 автобустук каттамдын кыймыл чиймеси жарым-жартылай өзгөртүлдү.
Эми каттам Жайыл Баатыр көчөсүнөн Селекция, Муромский, Гагарин жана Репин көчөлөрү менен Л.Толстой көчөсүнө чейин барат.
Мындан тышкары, №56 автобус каттамынын кыймыл чиймеси жарым-жартылай өзгөртүлдү.
Аталган каттам Манас проспектисинен Чүй проспектиси, Фучик көчөсү, Коммунаров көчөсү, Жибек-Жолу проспектиси аркылуу өтөт.
