15-мартта Бишкектин №2 клиникалык төрөт үйүндө үч эм төрөлдү. Бул тууралуу Саламаттык сактоо министрлигинин басма сөз кызматынан билдиришти.
«Бишкек шаарынын 35 жаштагы тургуну кош бойлуулугунун 36 жумалыгында кесарево жолу менен үч эм төрөгөн. Бул анын төртүнчү төрөтү», — деп айтылат маалыматта.
Ымыркайлардын төрөлгөндөгү салмагы: кыз — 2 килограмм 40 грамм, эркек бала — 2 килограмм 270 грамм, эркек бала — 2 килограмм 940 грамм.
Эне менен ымыркайлардын абалы туруктуу, медициналык кызматкерлердин көзөмөлүндө.