Жогорку сот Токмоктун экс-мэри Урмат Самаевди актады.
Буга чейинки инстанцияларда чыккан өкүмдөр өзгөртүлүп, сот Самаевди «Кызмат абалынан кыянаттык менен пайдалануу» беренеси боюнча күнөөсүз деп тапкан.
УКМК экс-мэрди 2023-жылы апрелде «Токмок жылуулук» муниципалдык ишканасында туруктуу коррупциялык схема уюштурууга тиешеси бар деп кармап, ишканада болгон мыйзамсыз иштерден мамлекетке 130 млн сомдон ашык зыян келтирилгенин билдирген. Кийинчерээк ЖМКлар ал 25 млн сом компенсация төлөгөнүн жазышкан.
Урматбек Самаев буга чейин Жогорку Кеңешке депутат, кийин Токмок шаарынын мэри болгон.