Жон Хопкинс университетинин окумуштуулары Science журналында жарыялаган макалада абадагы майда бөлүкчөлөр (PM2,5), адамдын психикалык жактан жабыркашына алып келерин такташты.
Изилдөөчүлөр АКШдагы 56,5 миллион адамдын 2000–2014-жылдардагы медициналык маалыматтарын талдап, PM2,5 көп болгон аймактарда тельца Леви менен байланышкан пцихикалык жактан жабыркагандардын көп катталганы аныкташкан.
Мышыктарга жасалган эксперименттер да бул корутундуларды тастыктады: PM2,5 таасир эткенде алардын эс тутуму жана мейкиндикти кабылдоосу начарлап, мээдеги α-синуклеин белоктору топтолгон. Ал эми бул белок синтезделбеген жаныбарларда өзгөрүү болгон эмес.
Окумуштуулар белгилегендей, майда бөлүкчөлөр иммунитетти дүүлүктүрүп, өнөкөт сезгенүүнү күчөтүшү мүмкүн, бул болсо нейродегенеративдик оорулардын өнүгүшүнө шарт түзөт. Бирок адамдар менен жаныбарлардагы шарттар айырмалангандыктан, байланыштын так механизмин аныктоо үчүн кошумча изилдөөлөр зарыл.