2025-жылдын 14-сентябрында Стамбул шаарында Эгемендүүлүк күнүнө арналган чоң иш-чара өтөт. Бул маданий кече Стамбулдагы Кыргыз Республикасынын Башкы консулдугу тарабынан уюштурулууда.
Иш-чаранын алкагында:
1000 кыргыз жараны үчүн бекер концерт уюштурулат. Конокторго улуттук тамак-аштар сунушталат. Баардык чыгымдар спонсорлордун жардамы менен каржыланат.
Иш-чаранын негизги максаты – чет жерде эмгектенип жаткан мекендештерибизге майрамдык маанай тартуулоо, бир күн болсо да эс алып, ыр-күүлөрдү угуп, жыргап кетүүсүнө шарт түзүү.