Кыргыз-Түрк «Манас» университетинин 30 жылдык мааракеси алкагында бир катар иш-чаралар уюштурулуп, жума бою кызуу өтүп жатат. Мааракеге арналган өзгөчө иш-чаралардын бири — Балыкчы шаарына болгон поезд сапары болду.
Бул сапарга университеттин студенттери, окутуучулары жана ММК өкүлдөрү катышып, Бишкектен Балыкчыга чейин биримдик поезди менен жол жүрүштү.
Бул жөн гана саякат эмес. Кыргыз элинин тарыхы, улуу мурастары жана маданий баалуулуктары жаштарга тааныштырылып, улуттук рухту, достукту жана биримдикти чыңдоого багытталган маанилүү иш-чара болуп өттү.