ЖККУнун Жамааттык коопсуздук кеңешинин жыйынынын алдында 26-ноябрда уюмга мүчө мамлекеттердин башчылары үчүн Бишкектеги “Ала-Арча” мамлекеттик резиденциясында этномаданий программа көрсөтүлдү.
Конокторго “Кыргыз айылы” этнографиялык комплекси тааныштырылып, боз үйлөрдүн жасалгасы, улуттук буюмдар, уз-чеберлердин эмгектери жана катышуучу өлкөлөрдүн маданий өзгөчөлүктөрү көрсөтүлдү.
Иш-чара учурунда Президент Садыр Жапаров мамлекет башчыларына колго жасалган улуттук панно жана музыкалык аспаптарды белек кылды. Өзгөчө көңүл бурдурган учур — Россиянын президенти Владимир Путин комузду жакындан карап, аспаптын үнүн жана жасалышын кызыгуу менен сурап көрдү.
Этномаданий программа Бишкектеги саммиттин расмий бөлүгүнө карата меймандар үчүн уюштурулду.
