Милан–Кортина 2026 кышкы Олимпиада оюндарынын негизги өзгөчөлүктөрүнүн бири — жасалма интеллект (ИИ) технологияларын кеңири колдонуу жана дрондордун активдүү пайдаланылышы болот. Уюштуруучулардын айтымында, бул технологиялар күйөрмандардын мелдештерди көрүү ыкмасын түп-тамырынан өзгөртөт.
Дрондор спортчулар менен катарлаш учуп, мелдештерди биринчи адамдын көз карашы (FPV) форматында көрсөтөт. Ал эми жасалма интеллектке негизделген кайталоо системалары кадрларды «аба ичинде токтотуп», мелдештердин эң таасирдүү учурларын жаңы форматта чагылдырууга мүмкүндүк берет.
Уюштуруучулардын белгилешинче, күйөрмандар Олимпиаданы салттуу телетрансляциялар аркылуу гана эмес, ИИ негизиндеги чат-боттор, социалдык тармактар жана санарип платформалар аркылуу да интерактивдүү түрдө көрө алышат. Мындан тышкары, жаңы технологиялар спортчуларга санариптик колдоо көрсөтүп, Олимпиада факелдеринин ички түзүлүшү менен таанышууга шарт түзөт.