Португалияда январь айынын соңунан бери уланып жаткан катуу шамал жана нөшөрлүү жаандын кесепеттери темир жол каттамдарына олуттуу таасирин тийгизүүдө. Бул тууралуу өлкөнүн темир жол инфраструктурасын башкарган компаниясы билдирди.
Маалыматка ылайык, учурда Түндүк (Norte), Түштүк (Sul), Батыш (Oeste), Дору (Douro), Синтра жана Кашкайш багыттарындагы айрым тилкелерде поезддердин кыймылы убактылуу токтотулган.
Компания чектөөлөр байланыш линияларынын жабыркашына байланыштуу киргизилгенин белгиледи. Катуу жаан-чачындан улам суу каптап, бак-дарактар кулап, ар кандай калдыктар темир жол инфраструктурасына зыян келтирген. Айрыкча Португалиянын түндүк жана борбордук аймактарында жаан-чачын күчтүү болгон.
IP өкүлдөрү учурда кырсыктын кесепеттерин жоюу жана коопсуз шарттарды калыбына келтирүү боюнча техникалык иштер жүрүп жатканын маалымдашты.