Иран АКШ жана Израилден ок атышууну токтотууну сурабайт жана Вашингтон менен сүйлөшүүлөргө негиз жок деп эсептейт. Бул тууралуу Ирандын тышкы иштер министри Аббас Арагчи АКШнын NBC News телеканалына маегинде билдирди.
Анын айтымында, мурда АКШ менен эки жолу сүйлөшүүлөр жүргүзүлгөн, бирок ар бир жолу Иранга сокку жасалган, ошондуктан азыр жаңы дипломатиялык демилге каралбайт. Арагчи өлкө бардык сценарийлерге, анын ичинде мүмкүн болгон аскерий чабуулга да даяр экенин белгиледи.
Ошондой эле, Ирандын Корпус стражей исламской революции (КСИР) деңиз күчтөрү Оман булуңундагы USS Abraham Lincoln авианосецине учкучсуз аппарат менен сокку урганын жарыялады. Ушул окуядан кийин авианосец жана аны коштогон эсминецтер артка чегинген жана учурда аймактан 1000 кмден ашык аралыкта турганын Ирандын аскерий штаб «Хатам-аль-Анбия» IRIB TV аркылуу кабарлады.