Исмаил Хатиб Тегеран шаарында Израилдин аба соккусунун натыйжасында каза болду. Бул тууралуу Исраэль Кац билдиргенин эл аралык маалымат каражаттары жазды.
Анын айтымында, сокку 18-мартка караган түнү жасалган. Ошондой эле Кац өзү жана Биньямин Нетаньяху Ирандын жогорку даражалуу өкүлдөрүнө каршы операцияларды кошумча уруксатсыз жүргүзүүгө макулдук беришкенин билдирген.
Өз кезегинде Масуд Пезешкиан да Исмаил Хатибдин каза болгонун тастыктап, бул окуяга байланыштуу иран элине көңүл айтты.
Маалыматка ылайык, Хатиб 2021-жылдын август айынан бери Ирандын чалгын министри кызматын аркалап келген. Ал буга чейин Али Хаменеинин коопсуздук кызматын жетектеп, 2012–2019-жылдары соттук коргоо жана чалгын борборун башкарган.
Бул окуя Жакынкы Чыгыштагы чыңалуунун дагы да күчөп жатканын көрсөтөт.
