ИИМдин Баңгизаттарды мыйзамсыз жүгүртүүгө каршы күрөшүү кызматы контрабандалык дары-дармектерди сатып жүргөн 2005-жылы туулган А.Э. жаранды кармашты.
Анын автоунаасын кароо учурунда тийиштүү документтери жок дары-дармектер алынган. Дары-дармектердин жалпы баасы 1 млн. сомдон ашат. Аталган факт боюнча КРнын Кылмыш-жаза кодексинин 218-беренеси (мыйзамсыз ишкердик же банктык иш) менен кылмыш иши козголгон. Учурда республика аймагында тыюу салынган дары-дармектердин контрабандасынын башка катышуучуларын жана каналдарын аныктоого багытталган ыкчам-издөө иш-чаралары жүрүүдө.