Фамилия алууда кеңири тандоо укугун берген мыйзам долбоору Жогорку Кеңештине биринчи окуусунда жактырылды.
“Демилгечилердин бири катары айтып коеюн, жаңы жылдан баштап мен Нурлан Тургунбекович болбойм, мен Нурлан Тургун уулу болом”, — деди парламенттин төрагасы.
Эскерте кетсек, документте улуттук салтты, тарыхый мурасты жана түпкүлүктү чагылдырган фамилиянын жазылышынын жаңы варианттарын кошуу сунушталган.
Демилгечилердин бири Мирлан Самыйкожо мында улуттук салтты, тарыхый мурасты жана түпкүлүктү чагылдырган фамилиянын жазылышынын жаңы варианттарын кошуу сунушталарын айтты. Ал эми учурдагы «ов»/»ова» жана «вич»/»вна», уулу, кызы деген мүчөлөр кала берерин кошумчалады.
Документте фамилия алууда төмөнкүдөй варианттар сунушталат: Мисалы, Бакытбеков Үсөн Жакшылыкович болсо
1. Бакытбек Үсөн же Бакытбек Үсөн Жакшылык уулу (кааласа)
2. Бакытбектеги Үсөн же Бакытбектеги Үсөн Жакшылык уулу (кааласа)
3. Бакытбектеги Үсөн же Бакытбектеги Үсөн Жакшылыктын (кааласа)