Министрлер кабинетинин төрагасы Адылбек Касымалиев «Өкмөттүк акселераторлор» программасынын алкагында 2025-жылдын августунда башталган эки чакырыктын жыйынтыгын таанышты.
Биринчи чакырык жеке менчик мектептерди лицензиялоону жөнөкөйлөтүүгө багытталды. Буга ылайык:
Онлайн-лицензиялоо киргизилди;
Санитардык жана өрт коопсуздугу боюнча текшерүү мөөнөтү шаарларда 30 күндөн 3 күнгө, аймактарда 7 күнгө чейин кыскартылды;
Ашыкча текшерүүлөр жана административдик жол-жоболор алынды;
Лицензия алуу мөөнөтү 3-4 айдан 20 күнгө чейин кыскарды.
Экинчи чакырык айдоочулук күбөлүктөрдү алмаштырууну жөнөкөйлөтүүгө арналган. Санарип трансформациянын негизинде:
Арыздарды онлайн кабыл алуу жана кызмат акысын QR-код же банктык тиркемелер аркылуу төлөө мүмкүнчүлүгү пайда болду;
Арыз берүү убактысы 1,5 сааттан 10 мүнөткө кыскарды;
Даяр күбөлүктү алуу мөөнөтү 4 күндөн 1-2 күнгө чейин кыскарды, үйгө жеткирүү кызматы киргизилди;
«Түндүк» тиркемеси аркылуу онлайн-форматта айдоочулук күбөлүктү жаңыртуу мүмкүн болду.
Адылбек Касымалиев белгилегендей, мындай реформалар билим берүүнү жеткиликтүү кылып, мамлекеттик кызмат көрсөтүүлөрдүн сапатын жогорулатат.
