Венесуэланын байланыш жана маалымат министри Фредди Ньяньес АКШнын бул айда өлкөгө жасаган аскердик операциясын “согуш кылмышы” деп баалады. Бул тууралуу ал эл аралык маданий иш-чарада билдирди.
Министр эл аралык маданий коомчулук күчөп жаткан зомбулукка жана эл аралык укуктун алсырашына карата тарыхый жоопкерчиликке ээ экенин белгиледи. Анын айтымында, Венесуэлага карата стигматизация идеологиялык эмес, өлкөнүн жаратылыш ресурстарына байланышкан экономикалык кызыкчылыктардан улам келип чыгууда.
Фредди Ньяньес 2019-жылдан бери санкциялар, жашыруун операциялар жана Венесуэланын активдерин мыйзамсыз тартып алуу аркылуу басым күчөгөнүн айтып, ошол эле учурда өлкө багынып бербесин баса белгиледи.
