Норвегия жана Швециянын премьер-министрлери Данияны колдой турганын билдиришти. Бул тууралуу маалымат 14-январда берилип, Лидерлердин түндүк Европа өлкөлөрү ортосундагы акыркы кеңешүүлөрү менен байланыштуу экенин белгилешти.
Норвегиянын премьер-министри Йонас Гар Стере X социалдык тармагында:
«Бүгүн түндүк Европа өлкөлөрүнүн кесиптештери менен продуктивдүү сүйлөшүү болду. Биз Данияны колдойбуз. Дания жана Гренландия гана өз аймактарына байланыштуу чечимдерди кабыл алууга укуктуу», — деп жазды.
Швециянын премьер-министри Ульф Кристерссон да ошол эле позицияны колдоп:
«Азыр эле Даниянын премьер-министри Мэтте Фредериксен менен сүйлөштүк. Биз Данияны жана Гренландианы колдойбуз», — деп билдирди.
Мурдараак, 14-январда Даниянын жана Гренландиянын лидерлери биргелешкен пресс-конференцияда Гренландияга тышкы талаптарды катуу жана бирдиктүү түрдө четке какканын жарыялашкан.
Белгилей кетсек, Гренландия — дүйнөдөгү эң чоң арал, Даниянын курамындагы өз алдынча башкаруу аймагы. Копенгаген аралдын коргонуу жана тышкы саясат маселелерин көзөмөлдөйт. Аралда АКШнын аскердик базасы жайгашкан.
Ошондой эле, 2025-жылдан тартып кайра кызматка келген АКШнын президенти Дональд Трамп Гренландияны «колго киргизүү» ниетин бир нече жолу билдирген жана күч колдонуу мүмкүнчүлүгүн четке каккан эмес.
