Быйылкы жылы Ысык-Көл жана Соң-Көлгө жалпы 17,6 миллион майда балык чабактары салынат. Бул тууралуу президенттин администрациясынын маалыматтык саясат кызматынын жетекчиси Дайырбек Орунбеков билдирди.
Анын айтымында, Ысык-Көлгө салынган балык кармоочу торлор учурда тазаланууда. Бул демилге президент Садыр Жапаровдун жеке көзөмөлүндө турат, жана токторду бузуп балык кармаган адамдарга катаал чаралар көрүлүп жатат.
«Бул аракеттин натыйжасы бат сезиле баштады. Көлдүн жээгинде тобу менен жүргөн майда балыктарды видеого тартып чыгышууда», — деп кошумчалады ал.
Президенттин жарлыгынын негизинде балык уулоого мораторий киргизилген, ал экосистеманы калыбына келтирүүгө жана балык корун көбөйтүүгө багытталган.
Балык кое берилген сан:
2024-жыл: Ысык-Көл — 21,5 млн, Соң-Көл — 5,7 млн
2025-жыл: Ысык-Көл — 13,6 млн, Соң-Көл — 5,6 млн
2026-жылга план: Ысык-Көл — 14,1 млн, Соң-Көл — 3,5 млн
Бул чаралар көлдөрдүн биоресурстарын сактоого жана келечек муун үчүн табиятты коргоого багытталган.
