2026-жылдын 17-январында, Флоридадагы космодромдон тарыхый «Артемида-2» ай миссиясын даярдоонун жооптуу этабы башталды.
Бийиктиги 98 метр жана күйүүчү май куюлган абалындагы салмагы 2600 тоннага жакын болгон гигант ракета жакында (6-февралда) Айга карай жолго аттанат. Астронавттары Рид Вайзман, Виктор Гловер, Кристина Кох жана Канада космостук агенттигинин астронавты Джереми Хансен. Алар – бул «Орион» космостук кемеси менен Айды айланып учуп чыгышат. Бул адам менен башкарылуучу «Орион» кемесин сыноо учуусу жана «Артемида» программасынын экинчи миссиясы болот. «Артемида-3» миссиясында пландалып жаткан Айга конуудан айырмаланып, «Артемида-2нин» экипажы ай орбитасына чыкпайт. Кеме Айды эркин кайтып келүү траекториясы боюнча айланып өтөт, бул өзгөчө кырдаалдар жаралган учурда Жерге коопсуз кайтып келүүнү камсыз кылат. «Артемида-2нин» ийгилиги — адам баласынын Айдын бетине кайтып келишине жана Айдын Түштүк уюлунда узак мөөнөттүү катышуусун түзүүгө карай өтө маанилүү кадам.
