Кыргызстанда 12 жылдык билим берүүгө өтүүнүн алкагында 2026-жылы республикалык бюджеттен 1 миллиард 66 миллион сом каражат бөлүндү. Бул тууралуу Каржы министрлигинин орун басары Нурбек Акжолов Жогорку Кеңештин жыйынында билдирди.
Анын айтымында, каражаттын негизги бөлүштүрүлүшү төмөнкүчө:
Эмеректерге: 48 млн сом;
Компьютерлерге: 47 млн сомдон ашык;
Ишкердик максаттарга: 175 млн сом;
Жаңы окуу китептерине: 815 млн сом.
Эскерте кетсек, 2025/26-окуу жылында Кыргызстандагы 1-, 2-, 5- жана 7-класстардын окуучулары жаңы 12 жылдык окуу планына өтүшкөн.
Мамлекет бул долбоор менен билим берүү сапатын жогорулатып, окуучуларга заманбап шарттарды түзүүнү максат кылууда.
