Пакистандын түндүк-батышындагы Хайбер-Пахтунхва провинциясында коопсуздук күчтөрү жүргүзгөн эки операциянын натыйжасында 24 террорчу жок кылынды. Бул тууралуу жума күнү өлкөнүн Куралдуу күчтөрүнүн Коомчулук менен байланыш кызматы (ISPR) билдирди.
Маалыматка ылайык, Оракзай округунда чалгындоо маалыматынын негизинде жүргүзүлгөн операция учурунда коопсуздук күчтөрү террорчулар менен атышууга кирип, 14 боевик жок кылынган.
Ал эми Хайбер районунда өткөн экинчи операциянын жүрүшүндө дагы 10 террорчу атышууда жок кылынган.
Аскер өкүлдөрү аймакта калган бардык боевиктерди нейтралдаштыруу боюнча иштер улантылып жатканын билдирип, өлкөнүн коопсуздугун камсыз кылууга толук даяр экенин баса белгилешти.
