Кытайда Жаз майрамы белгиленгенине байланыштуу мамлекеттик чек аранын кыргыз-кытай тилкесинде жайгашкан айрым өткөрүү пункттары убактылуу жабылат. Бул тууралуу Улуттук коопсуздук мамлекеттик комитетинин Чек ара кызматы билдирди.
Маалыматка ылайык:
-
«Эркечтам» көзөмөл-өткөрүү пункту 15-февраль саат 20:00дөн тартып 19-февралга чейин жабылат;
-
«Торугарт» көзөмөл-өткөрүү пункту 17-февралдан 20-февралга чейин иштебейт.
Адамдарды, транспорт каражаттарын жана жүктөрдү өткөрүү:
-
«Эркечтам» аркылуу — 19-февраль саат 08:00дөн;
-
«Торугарт» аркылуу — 20-февраль саат 08:00дөн баштап кайра жанданат.
Чек ара кызматы жарандарды жана тышкы экономикалык ишмердүүлүк менен алектенген тараптарды мамлекеттик чек арадан өтүүнү пландаштырууда бул маалыматты алдын ала эске алууга чакырат.
