БУУнун Космосту бейпил пайдалануу комитетинин конференциясында Россия жана Иран SpaceX компаниясына таандык Starlink спутник тармагын «эл аралык мыйзамдарды бузуу» жана «соода жана аскердик технологиялардын чегин жокко чыгаруу» деп айыпташты.
Россия 1967-жылдагы Космос боюнча келишим бузулушу мүмкүн экенин белгилеп, жаңы спутниктерди чектөө жана аскердик колдонуу эрежелерин тактоо боюнча эл аралык сүйлөшүүлөрдү өткөрүүнү сунуштады.
Иран болсо Starlinkтин өлкөдө уруксатсыз колдонулушу суверенитетти бузганын, январдагы нааразылык учурунда мыйзамсыз алып кирилген 50 миң терминал пайдаланылганын билдирди.
Учурда Starlink тармагында болжол менен 9 600 спутник бар жана ал аскердик жана жарандык максатта колдонулууда. Мурда Илон Маск Россиянын аскерлери үчүн терминалдарды өчүргөн.
