1-апрелде Шанхай шаарындагы эл аралык Пудун аэропортуна Алматы шаарынан учкан Air Astana авиакомпаниясынын биринчи рейси конуп, жаңы аба каттамынын ачылышын белгиледи.
Shanghai Airport Authority маалымдагандай, Алматы–Шанхай–Алматы багыты боюнча каттамдар Airbus A321LR учактары менен жумасына үч жолу аткарылат. Алматыдан Шанхайга каттамдар шейшемби, бейшемби жана жекшемби күндөрү учса, Шанхайдан Алматыга дүйшөмбү, шаршемби жана жума күндөрү жүргүзүлөт.
Учурда Air Astana Казакстан менен Кытайдын ортосунда жети аба багытын тейлейт. Алардын катарына Алматыдан Пекин, Үрүмчү жана Гуанчжоу шаарларына туруктуу каттамдар, ошондой эле Астана–Пекин–Астана багыты жана Алматы–Санья, Астана–Санья чартердик каттамдары кирет.
Жаңы маршрут эки өлкөнүн ортосундагы аба байланыштарын кеңейтип, жүргүнчүлөр үчүн жол жүрүүнү жеңилдетет деп күтүлүүдө.
