«Кыргызстан – аймактык ХАБ: континенттерди бириктирүүчү» аталышындагы эл аралык транспорттук форумунда чек арадан өтүү учурундагы көйгөйлөргө да токтолушту. Өзгөчө Бажы тармагында Торугарт өткөрмө көзөмөл пунктунда электрондук базага кирбей калгандыгы үчүн жүк ташыган унаа 250 сомдун ордуна 17500 сом айып пул төлөгөнү жана Кытайдан келе жаткан жүк ташыган автоунаалар 1 күндөн 3 күнгө чейин өткөрмө пункттарда кармалып турганы айтылып, чек арадан өтүүнүн жол-жоболорун жөнөкөйлөтүү керектиги баса белгиленди.
