Бишкекте балдардын китеп окуу көндүмдөрүн өнүктүрүүгө арналган мурал пайда болду.
Билим берүү жана илим министрлигинен билдиришкендей, АКШнын Эл аралык өнүктүрүү агенттиги менен биргеликте “Окуу керемет!” долбоорунун алкагында №21 орто мектептин дубалында жаңы мурал салтанаттуу түрдө ачылды.
Иш-чара билим күнүнө карата уюштурулду. Дубалдагы сүрөт коомчулуктун көңүлүн жаш мектеп окуучуларынын окуу сабаттуулугун арттырууга жана китепке болгон кызыгуусун өнүктүрүүгө бурдуруу максатын көздөйт.
USAID`дин “Окуу керемет!” долбоору Кыргызстанда башталгыч класстарда окуган 450 миң окуучунун математика жана окуу боюнча жетишкендиктерин жогорулатууга багытталган. Долбоор республика боюнча 1679 мектепте ишке ашырылууда.