Ош облусунун Кара-Суу районунда муктаж болбогон жарандарга жөлөкпул берилгени аныкталды. Бул тууралуу Башкы прокуратурадан билдиришти.
Облустук прокуратура Социалдык камсыздоо башкармалыгынын кызмат адамдары 2023-жылдын июнь айынан 2024-жылдын май айына чейин муктаж эмес 47 жаранга жөлөкпулдарды мыйзамсыз чегеришкендигин аныктаган. Натыйжада мамлекетке жалпы 1 млн 323 миң 400 сом зыян келтирилген.
Аталган факт боюнча Кылмыш-жаза кодексинин 337-беренеси (кызмат абалынан кыянаттык менен пайдалануу) жана 346-беренеси (кызматтык жасалмачылык) менен кылмыш иш козголуп, тергөө органы тарабынан тергелүүдө.