Кыргызстанда 2024-жылдын аягына карай орточо жашоо минимуму 7963 сом 72 тыйын деп эсептелинди.
Улуттук статистикалык комитеттин маалыматына ылайык, калктын эмгекке жарамдуу катмарынын жашоо минимумунун өлчөмү 8906,5 сом болсо, пенсия курагындагылардыкы 7063 сом 85 тыйынды түздү.
2024-жылы кыргыз өкмөтү пенсияны жашоо минимумуна теңөө максатында камсыздандыруу бөлүгүн 18 пайызга көбөйткөн. Жыйынтыгында Кыргызстандагы минималдуу пенсиянын өлчөмү 6900 сом болгон. Кыргызстанда, расмий эсептөө боюнча, 2024-жылдын аягында орточо айлык акы 36 миң сомду түзгөн.