Ямайка жана Куба аймактарын каптаган “Мелисса” ураганы акыркы 90 жыл ичиндеги эң күчтүү бороон катары катталды. Бул тууралуу РИА Новости агенттиги Франс Пресстин метеомаалыматтарына таянып жазды.
Маалыматка ылайык, “Мелисса” 1935-жылдагы рекорддук бороонду кайталады. Ал кезде шамалдын ылдамдыгы саатына 300 чакырымга чейин жеткен.
АКШнын Урагандарды көзөмөлдөө боюнча Улуттук борбору билдиргендей, ураган Кубага жакындаганда күчөп, төртүнчү категорияга чейин жеткен.
Кубанын Сантьяго-де-Куба провинциясына жеткен учурда шамалдын максималдуу ылдамдыгы саатына 195 чакырым болгон.
