Кыргызстан алгачкы ирет Кытайдын эл аралык импорттук көргөзмөсүнө (CIIE) улуттук павильон форматында катышууда. Быйылкы иш-чарага жалпы 67 өлкө жана эл аралык уюм катышып жатат.
Кыргызстандын павильону кыргыз боз үйүнүн күмбөзүнө окшош кызыл чатыр менен жасалгаланган. Анда 15 кыргыз ишканасынын бал, варенье, жүн жана териден жасалган буюмдар, кол өнөрчүлүк буюмдары, меймандос суусундуктар сыяктуу продукциялары көрсөтүлүүдө.
Кыргыз балы өзгөчө кызыгууну жаратты — көргөзмөдө аны көптөгөн сатып алуучулар даам сыноого катышып, келишим түзүүгө кызыкдар болушууда.
«Дары Тянь-Шаня» компаниясынын өкүлү Эмма Савицкаянын айтымында, бул жылы улуттук павильондун алкагында катышуу кыргыз ишкерлерине жаңы өнөктөштөрдү табууга чоң мүмкүнчүлүк түзөт.
Көргөзмөгө ошондой эле «Абдыш-Ата», «Кыргыз Экспорт» жана башка ишканалар да катышып, Кытай рыногуна чыгуу боюнча сүйлөшүүлөрдү жүргүзүүдө.
Кыргызстандын соода өкүлчүлүгүнүн колдоосу менен Чунцинде кыргыз продукциясын сатуучу туруктуу соода павильон иштеп келет. Ал аркылуу кыргыз балын, кол өнөрчүлүк буюмдарын жана башка товарларды Кытайдын шаарларына онлайн жана оффлайн түрдө жеткирүүгө мүмкүнчүлүк түзүлгөн.
Экспорттук борбордун өкүлү Тилек Жумалиев бул кадам кыргыз-кытай соода алакасын кеңейтүүгө жана кыргыз продукциясын жаңы рынокторго чыгарууга өбөлгө түзөрүн белгиледи.
2024-жылы эки өлкө ортосундагы товар жүгүртүү 22,7 млрд долларга жеткен.
