2026-жылы өлкөдө 25 чакан гидроэлектростанция (ГЭС) курулат, жалпы кубаттуулугу 286,21 МВт болмокчу. Бул тууралуу президент Садыр Жапаров социалдык тармактагы кайрылуусунда билдирди.
Президент белгилегендей, алардын арасынан негизгилери:
Орто-Токой ГЭСи – 21 МВт
Куланак ГЭСи – 100 МВт
Тургент ГЭСи – 26 МВт
Майлы-Суу ГЭСи – 26 МВт
Ак-Суу ГЭС-3 – 17,6 МВт
2027-жылы дагы 14 жаңы ГЭС ишке кирет, анын ичинде Папан, Жерүй жана Чандалаш ГЭСтери. Жалпы кубаттуулук 172,88 МВт болот. 2028–2030-жылдары Коңорчок, Кызыл-Суу, Кичи-Кемин, Кыштуут жана Төмөнкү Тар ГЭСтери курулат (жалпы 44,7 МВт).
Жапаров белгилегендей, Кара-Кечеде 1200 МВттык жылуулук электр станциясынын курулушу башталган, ал жылына 7 млрд кВт/саат электр энергиясын өндүрмөкчү.
«Эки жарым жылдан кийин кышкы дефицит жабылат. Камбар-Ата-1 ГЭСи бүткөндөн кийин Кыргызстан электр энергиясын экспорттоочу өлкөгө айланат», – деди мамлекет башчысы.
Ал жарандарды энергияны үнөмдүү колдонууга чакырып, азыркы тартыштык убактылуу гана көрүнүш экенин белгиледи.