Буга чейин эле “Калмаэги” тайфунунан 200дөн ашык адам каза болгон Филиппин аралдарына жуманын ичинде экинчи ирет абдан катуу бороон сокту.
“Фунг-Вонг” шамалынын ылдамдыгы 185 км/саат, ал эми порыктары 230 км/саатка чейин жетип, быйылкы жылдагы эң күчтүү супертайфун болуп эсептелүүдө.
Өлкө президенти Фердинанд Маркос-младший өзгөчө кырдаал жарыялады. 1 миллионго жакын адам эвакуацияланды, бир катар провинцияларда жарык өчүрүлүп, мектептер жана порттор жабылды.
Коргоо министри Гилберто Теодоро жарандарды кооптуу аймактардан тез арада чыгып кетүүгө чакырды. Филиппин жыл сайын 20га жакын тайфунга туш болот. Бирок “Фунг-Вонг” алардын ичинен эң кыйратуучусу болуп калды.